ឧត្តរមានជ័យ: នៅព្រឹកថ្ងៃអាទិត្យ នាថ្ងៃទី២៩ ខែធ្នូ ឆ្នាំ២០២៤នេះ ថ្នាក់ដឹកនាំខេត្ត ឧត្តរមានជ័យ ព្រមទាំងមន្រ្តីរាជការ គ្រប់លំដាប់ថ្នាក់ជំវិញខេត្ត ប្រជាពលរដ្ឋ និងយុវជន សរុប២៦២៦នាក់ ក្នុងខេត្តឧត្តរមានជ័យ ដោយក្រោមអធិបតីភាពឯកឧត្តម សង្គហបណ្ឌិត គន់ គីម និងឯកឧត្តម មាន ចាន់យ៉ាដា អភិបាលនៃគណ:អភិបាលខេត្តឧត្តរមានជ័យ ក្នុងកម្មវិធី អបអរសាទរ ទិវាសន្តិភាពកម្ពុជា លើកទី២៦ និងខួប៦ឆ្នាំនៃការបង្កើតវិមានឈ្នះឈ្នះ ដោយប្រព្រឹតឡើងនៅទីតាំងបរិវេណសាងសង់ស្តូបអនុស្សាវរីយ៍ឈ្នះ ឈ្នះ ស្ថិតនៅចំណុចលើខ្នងភ្នំ២០០ នៃភូមិជើងភ្នំ ឃុំត្រពាំងប្រិយ៍ ស្រុកអន្លង់វែង ខេត្តឧត្តរមានជ័យ
សូមបញ្ជាក់ផងដែរថាក្នុងរាត្រីថ្ងៃទី២៨ខែធ្នូ.ឆ្នាំ ២០២៤.ក៏មានព្រឹត្តិការណ៍បោះតង់ពីសំណាក់ក្រុមយុវជននិងភ្ញៀវដែលបានចូលរួមទូទាំង ៥ក្រុងស្រុកក្នុងខេត្តឧត្តរមានជ័យនិងមានការរាំកំសាន្តព្រមទាំងបាញ់កាំជ្រួចផងដែ
ទិវាសន្តិភាពនៅកម្ពុជា ររាជរដ្ឋាភិបាលកម្ពុជា បានកំណត់យកថ្ងៃទី២៩ ខែធ្នូ ជារៀងរាល់ឆ្នាំ ជាថ្ងៃបុណ្យជាតិផ្លូវការមួយនៅព្រះរាជាណាចក្រកម្ពុជា ដើម្បីជាការឆ្លើយតបទៅនឹងបំណងប្រាថ្នាដ៏ពិសិដ្ឋរបស់ប្រជាជនកម្ពុជា គឺការស្រឡាញ់សន្តិភាព ហើយនិងស្អប់ខ្ពើមសង្គ្រាម ។
ក្នុងឱកាសនោះដែរ ឯកឧត្តម សង្គហបណ្ឌិត គន់ គីម បានមានប្រសាសន៍លើកឡើងថា មាននយោបាយឈ្នះឈ្នះ គឺមានសុខសន្តិភាព និងមានការអភិវឌ្ឍរីកចម្រើន គ្រប់វិស័យជាបន្តរបន្ទាប់ ដែលធ្វើអោយប្រជាជាតិនៃកម្ពុជា មានការអភិវឌ្ឍន៍ជាបន្តរបន្ទាប់
ឯកឧត្តមបន្តរថា គុណបំណាច់នៃនយោបាយឈ្នះ-ឈ្នះ គឺមានតម្លៃធំធេងមិនអាចកាត់ថ្លៃបានឡើយ ដែលនាំមកនូវសន្តិភាពដូចសព្វថ្ងៃ ដែលនៅលើទឹកដីប្រវត្តិសាស្ត្រនៃការបញ្ចប់សង្គ្រាមចុងក្រោយគេនៅកម្ពុជា ។
ដោយកិច្ចខិតខំប្រឹងប្រែងរបស់វីរៈជនស្នេហាជាតិទាំងឡាយជាពិសេសនយោបាយឈ្នះឈ្នះរបស់សម្តេចតេជោ ហ៊ុនសែន ដែលបានតស៊ូបញ្ចប់សមរភូមិសង្គ្រាមចុងក្រោយគេនៅលើទឹកដី ដូច្នេះប្រជាពលរដ្ឋខ្មែរគ្រប់រូបត្រូវដឹងគុណចំពោះស្ថាបនិកនៃនយោបាយឈ្នះ-ឈ្នះ និងបន្តចូលរួមថែរក្សាសមិទ្ធផលសន្តិភាពនេះឱ្យបានគង់វង្សយូរអង្វែង។ឈឹមកសល
